La citât di Palme par promovi un cine de Marvel

In ocasione dal gnûf cine de Marvel, la innomenade cjase di produzion americane dai supererois, la Disney e à sielt Palme e la sô place par un gnûf video promozionâl di “Thunderbolts*”, in curt in dutis lis salis dal Paîs. La Disney Italie e à inmaneât un straordenari spetacul di lûs te citât fuartece, e l’asterisc che al è il simbul de pelicule e i sîs gnûfs personaçs che a son i protagoniscj a son vignûts fûr di bot te place grande. Un video fat di gnot al conte la trasformazion de place e dal centri, cun 151.200 lûs diferentis intune aree di 9 mil metris cuadris. Il progjet video, che si viôt di ogni bande su la rêt, fat cu la colaborazion de aministrazion comunâl, al è daûr a puartâ la citât di Palme in dut il mont. (A.I.) – 29.04.2025