La citât di De Filippo, ma intai agns Otante

Une “tragjedie dute di ridi” scrite di Peppino De Filippo, ma ambientade inte citât di Napoli dai agns Otante, e va in sene martars ai 18 di Març aes 8.45 sot sere tal Teatri “Pasolini” di Çarvignan. “Non è vero ma ci credo” (No je vere ma i crôt) e conte la storie di un imprenditôr avâr Gervasio Savastano, interpretât dal cetant preseât atôr di cine, television e teatri Enzo Decaro, che al vîf intun brut sium: chel di jessi vitime de sfortune. Il regjist Leo Muscato, de compagnie di Luigi De Filippo, al ambiente la storie intune Napoli dai agns Otante, un pôc tragjicomiche e sureâl, là che a convivevin Mario Merola, Pio Daniele e Maradona. (A.I.) – 17.03.2025

Foto Sollima