La Cineteche e celebre la zornade dal autisim cuntun cine

Ancje chest an ai 2 di Avrîl, in ocasion des Zornadis mondiâls de cussience sul autisim, la Cineteche dal Friûl e met inte programazion dal Cine “Sociale” di Glemone un titul leât al teme. Al è il road-movie “Noi due” dal regjist israelian Nir Bergman, cognossût par vê fat une serie televisive su la psicoterapie, cun Shai Avivi e Noam Imber intal rûl di un pari e di un fi tocjât di autisim. Presentât intal 2020 al Toronto Film Festival e al Festival di Cannes, il cine al è une coproduzion tra Israêl e Italie e al è distribuît de furlane Tucker Film. “Noi due” al sarà proietât al Cine “Sociale” domenie ai 2, miercus ai 5 e joibe ai 6 di Avrîl. (A.I.) – 30.03.2023