La academie dal Istât de “Nico Pepe” a Udin

Al rive come simpri vie pal Istât:, mudant la scuele e la citât intune crosere di talents di dut il mont. Il “SAFest – Summer Academy Festival”, la academie de civiche academie de art dramatiche “Nico Pepe” di Udin – une scuele ricognossude dal ministeri, sostignude di Comun e Regjon, ma soredut une “farie” par atôrs di nivel vie pai agns – al torne dai 21 ai 25 di Lui in citât. Par cheste ‘academie dal Istât’ a rivaran arlêfs, docents, professioniscj e scuelis di teatri di mieç Mont: de Cine, Turchie, Gjeorgjie, Stâts Unîts, Gjermanie, Gjapon… Il diretôr artistic de scuele – e de “Summer Academy” – Claudio de Maglio al impromet une setemane siore di emozions: spetacui vierts al public sot sere, laboratoris, conferencis e incuintris par stiçâ la creativitât e il dialic, e vie indevant. Ogni dì, si fasarà il laboratori di teatri danze par cure di Julie Anne Stanzak, storiche coreografe dal Tanztheater Wuppertal di Pina Bausch. Si tache lunis ai 21 cun “Il rimedio che ti cambia”, un spetacul origjinâl di Comedie de Art direte da Claudio de Maglio, po dopo ai 22 “Fake my self “dai arlêfs gjeorgjians e vie indenant fint a vinars, ancje cui spetacui dai arlêfs de scuele, di pôc premiâts in Maroc. (A.I.) – 21.07.2025