35
Un viaç tai ricuarts, jenfri apartignince e identitât. Di une bande al è il Friûl di Pasolini, di che altre la Albanie di Ilir, alter ego dal atôr Klaus Martini. “P.P.P. Ti presento l’Albania” al è il spetacul dal artist furlan che al à vinçût il “Mittelyoung 2021” (e che al à tacat la sô cariere propit al “Palio”), un monolic fat di storiis autobiografichis e pagjinis scritis di Pasolini. Sabide ai 10 al è ospit dal Pali teatrâl dai students di Udin, che chest an al è rivât ae cincuantesime cuarte edizion, simpri inmaneade dal Teatro Club di Udin, che fint ai 26 di Mai al presente tal teatri Palamostre i 26 grups teatrâi, in dut 400 fantats e fantatis. (A.I.) – 09.05.2025
Foto di L. d’Agostino
