Vie pal Istât a Tarvis, di trente agns al è un grant spazi pe musiche in graciis dal “No Borders Music Festival”, che planc a planc al è lât a cirî i paisaçs de mont tant che lûcs par dâ acet a grancj artiscj di nivel talian e internazionâl: i lâts di Fusinis, il bosc, lic cimis dal Canin e dal Montâs cui lôr ripârs… Ancje chest an, la rassegne e torne cu la sô ande ‘sostignibile’: ven a stâi, pocje int tal mieç dal vert, di dopomisdì e no sot sere, e rivant dome a pît o, intun câs, su dôs ruedis. Il prin fin de setemane de trentesime edizion dal festival al à puartât Ben Harper e Mika sui lâts di Fusinis. Sabide ai 26 al rive Jovanotti, in biciclete dret di cjase so! E cu la bici a saran ancje i 5 mil spetatôrs che si spietin sui lâts. Dut plen il dì dopo ancje par Lucio Corsi, intant che ai prins di Avost il festival si siere cun Goran Bregovic tal “Gilberti” e la cubie Kings of Convenience sul Montâs e ogni vinars e sabide sere tal centri di Tarvis al è un Dj di innomine internazionâl. (A.I.) – 25.07.2025
Foto di S. Re
