Nassût a New York di une famee istriane, imprenditôr che al à sielt il Friûl par fâ vin di puartâ in dut il Mont, stele de television cui siei innomenâts programs che a fevelin di gustâ e di ristorants, Joe Bastianich al rive pe prime volte a teatri. Al è il protagonist di “Money – Il bilancio di una vita” (Bêçs, il belanç di une vite), un viaç di peraulis e musiche che al conte il rapuart universâl dal om cui bêçs, apont, tacant di un ristorant che al mude intun teatri. La scree dal “gnûf” Joe, che al è scrit il spetacul cun Tobia Rossi e Massimo Navone e al è compagnât di un grup di sunadôrs, e sarà vinars ai 24 a Triest, tal “Rossetti”, po dopo a Novembar a saran cinc replichis in Friûl tal circuit dal Ert. (A.I.) – 23.10.2025
Foto di L. Trani
