Dal 2019, al puarte a Pordenon il miôr dal jazz internazionâl, mudant la citât intune sorte di palc ‘difondût’ par concierts e Dj, ma ancje mostris, laboratoris e cetancj altris events. Il moment centrâl di joibe ai 29, cuant che sul palc principâl di plaçute Calderari a tachin i concierts cui ospits plui impuartants, fint a domenie al prin di Jugn: la bassiste Manou Gallo cun “Afro Bass Fusion”, Olivia Trummer e Fabrizio Bosso cun “For You”, il tercet di Alfredo Rodríguez e il cuartet di Ambrose Akinmusire.
Il program metût adun de associazion Blues In Vulla al è za scomençât cun cualchi conciert sul teritori e une schirie di apontaments che a vierzin la strade par Pordenon citât de culture 2027: visitis a ritmi di musiche jazz o ae scuvierte di chei che a àn fat la musiche dal Nûfcent.
Ancje la art e à il so puest dentri dal festival, tacant de mostre “Jazzz” vierte tal palaç Ricchieri par passâ ai aprofondiments sul rapuart jenfri musiche e fumet. (A.I.) – 28.05.2025
