Jazz River: a Polcenic si siere cuntune cubie classiche, ma rock

Ultin conciert pe cuarte edizion di “Jazz River”, la rassegne inmaneade dal circul culturâl Controtempo di Cormons par fâ scori la musiche tant che un flum che al passe i lûcs e lis comunitâts, creant conessions, emozions e dialics. Sabide ai 20, aes 9 di sere tal teatri di Polcenic, al è in program un event internazionâl: la cubie austriache BartolomeyBittman, che e propon – doprant il violoncel e il violin -un repertori inmagant di musiche rock “progressive” sunade cun struments de tradizion classiche: il progjet “Zehn”, che al celebre dîs agns di ricercje e sperimentazion. (A.I.) – 19.09.2025

Foto di S. Doleschal