Jazz a Sacîl: si siere cuntun pianist

Il conciert di Nik Bärtsch, programât par vinars ai 5 te sale di conciert de Fazioli a Sacîl, al siere une edizion dal festival “Volo del Jazz” che e à vût un grant sucès e e à insaldât il rûl culturâl de rassegne inmaneade dal circul “Controtempo” di Cormons. La colaborazion cun Fazioli, preziose par promovi une scolte di cualitât, e je stade il pont di partence par contâ un viaç che al à metût adun sensibilitâts, lengaçs e il public intune stagjon di ricuardâ. Il piano sunât di bessôl sul pal dal musicist svuizar al cjape dentri propit il spirt dal festival cun rigôr, moviment e un rituâl moderni che al vibre dentri de acustiche essenziâl dal strument. Bärtsch al è un architet dal sunôr che al ufrirà un viaç ipnotic bon di instreçà il minimalisim, il ritmi e i spazis plens di tension dal cidinôr. (A.I.) – 04.12.2025