“Istât”, la produzion musicâl par furlan dal vîf

La associazion culturâl Inniò e presente une gnove, ambiziose edizion di “Istât”, rassegne dedicade ae produzion musicâl par furlan cu la poie dal Comun di Udin. In program cuatri apontaments unics dai tal parc Moretti e la cort di palaç Morpurgo. Si tache martars ai 14 cu la misture di tango e gnove musiche furlane dai Cûr di Veri, domenie ai 19 la anime plui sperimentâl de rassegne cui Unviâr e i No Good. Domenie ai 26 di Lui, la ricercje tal passât dai cjantautôrs cjargnei fate di Alvise Nodale e Davide Raciti e par sierâ ai 20 di Avost “Daûr di une cjançon”, un “conciert in dialic” cun trê cjantautôrs e trê gjornaliscj. (A.I.) – 13.07.2026