Isabella Rossellini sul palc e fevele di oms e animâi

Al Teatri “Rossetti” di Triest, sabide ai 20 e domenie ai 21 di Zenâr, al rive in esclusive regjonâl un spetacul che al à vût un grant sucès sedi in Europe che in Americhe. “Darwin’s smile” al viôt in sene di bessole Isabella Rossellini, une des stelis talianis di simpri, atore al cine, in Tv e a teatri, ma ancje modele e tradutore. In cheste riflession la artiste, che intal 2023 e à vinçût il premi speciâl al “David di Donatello”, e met adun sul palc i siei doi più grancj interès: chel pe recitazion e chel pe sience, par fâ capî miôr il compuartament dai animâi e chel dai oms. (A.I.) – 19.01.2024