“Piccolipalchi”, la rassegne dedicade aes fameis, inmaneade dal ERT, l’Ent regjonâl teatrâl dal Friûl-Vignesie Julie, e torne in Cjargne cun trê events organizâts in colaborazion cui comuns dal teritori e la comunitât di mont de Cjargne. La edizion dal 2026 e conferme la vocazion difondude dal festival, che an dopo an al puarte oportunitâts di partecipazion culturâl in dut il teritori. Chest an, la rassegne si fermarà a Rigulât, Cjavaç e For Disore, cun spetacui tal viert, dedicâts ai fruts a tacâ dai 3 agns, che a messedin teatri, musiche dal vîf, mim e teatri fisic. La rassegne e scomençarà domenie ai 5 di Lui a Rigulât cun “La foresta cantata”, un spetacul di marionetis e di musiche dal vîf creât dal musicist e compositôr Peter Kus. (A.I.) – 15.06.2026
Foto di H. Havbersek
