Il cjant dal Orcolat sul palc di sene ator dal Friûl

E je une vôs che e ven di sot de tiere, une cjançon antighe che e torne a jessi sintude cincuante agns dopo dal taramot che al à cambiât par simpri il Friûl. Chest riclam potent, fat di memorie, dûl e rinassite, al è deventât “Il canto dell’Orcolat” (Il cjant dal Orcolat), la gnove produzion di Anà-Thema Teatro– Teatro della Corte, pronte a debutâ sui palcs di sene de regjon, scomençant miercus ai 6 aes 8.45 sot sere tal teatri “Ettore del Gallo” di Travês. Cheste produzion e puarte sul palc di sene un dai moments plui fonts e identitaris de storie furlane. Diret di Luca Ferri, in sene cun Luca Marchioro, Anastasia Fabbro e Raffaella Giampaoli, il spetacul al è stât pensât tant un at teatrâl di scolte e presentazion al public tal stes moment, intal cincuantesim aniversari dal taramot. No je une semplice rievocazion storiche, ma une esperience emotive e condividude che e passe il timp par fa domandis al presint, instreçant storiis veris, testemoneancis e tocs di vitis crevadis e tornadis a fâ su, dut adun cu la liende dal Orcolat, la creature mitiche de tradizion furlane. Daspò di Travês, là che e sarà un spetacul sot sere e un di buinore pes scuelis, il zîr de regjon al rivarà a Tarvis e a Pontebe ai 14, a Martignà ai 15 e daspò a Sante Marie La Lungje, Cjons e a Osôf, sierant a Spilimberc ai 24 di Setembar. (A.I.) – 05.05.2026