“Chuck My Life” (de Republiche Ceche) pal teatri e il circ, “Nove stare zgodbe” (de Slovenie) pe musiche e “Adam’s Apple” (de Svuizare) pe danze a son i trê spetacui vincidôrs de seste edizion di “Mittelyoung”, che e tornaran sul palc di sene dal “Mittelfest” dai 16 ai 26 di Lui a Cividât.” I spetacui vincidôrs a contin la pôre, il teme sielzût dal diretôr artistic dal Mittelfest ,Giacomo Pedini pe trentesime cuinte edizion dal festival, la sô ultime ae direzion. L’artist cec Arman Kupelyan al à puartât la solitudin sul palc di sene, cubie Duplina e à evocât l’incjant de tradizion orâl e de musiche popolâr, intant che la compagnie di danze Creama e à celebrât il cûr des feminis cun ironie. “Sîs edizions e miâr di spetacui valutâts a àn mudât il Mittelyoung – al sclarìs Pedini – Nassût par scomesse, cumò e je une vere infrastruture dal festival, un pont di riferiment pai artiscj europeans sot dai trente agns, che no puedin plui fa di mancul di vignî a Cividât”. (A.I.) – 18.05.2026
Foto di L. d’Agostino
