46
Il cine Visionari di Udin al scree in vie uficiâl la sô stagjon estive cul “Garden”: di martars ai 13, sul prât di vie Asquini, un cartelon plen di ativitâts dal lunis al vinars cun aperitîfs ‘verts’, cenis ae insegne des jerbis, concierts, musiche, lezions di danze e ativitâts dedicadis ai plui piçui e ancje i marcjaduts. A screâ il garden, martars ai 13 aes 8 sot sere, la musiche dai Absolute 5, tra lis plui preseadis “cover band” intal panorame talian, cuntun repertori di sucès un grum famôs di ducj i gjenars e di diviersis epochis musicâls. (A.I.) – 12.06.2023
