Il video di Mahmood zirât a Triest al à vinçût un premi

Un video musicâl zirât in regjon – un dai tancj fats tai ultins agns in lûcs plui o mancul innomenâts dal Friûl-Vignesie Julie – al à vinçût il prin premi de manifestazion “Billboard Italia”, che si fasarà a Milan ai 16 di Mai. Il video al à “Tuta Gold”, diret di Attilio Cusani par Mahmood tal complès di Rozzol Melara a Triest, une des oparis architetonichis plui cognossudis dal “brutalisim” talian. “Tuta Gold” al è stât ancje il video musicâl plui viodût tal 2024 cun cent milions di visualizazions e al conte la sensibilitât dai fantats des perifariis cence lâ daûr ai solits lûcs comuns. (A.I.) – 07.05.2025