Il “Verdi” al è pront pe gnove stagjon sinfoniche

Vot concierts, une gnove comission a Giorgio Battistelli, la Sinfoniche di Daniel Oren che e torne in regjon e une schirie di soliscj e diretôrs innomenâts, no simpri masse presints tai programs des stagjons talianis: dai 11 di Setembar e torne la stagjon sinfoniche dal teatri “Verdi” di Triest, un dai apontaments plui spietâts dai passionâts. Si tache cu la musiche di Brahms e il pianist ucrain Vadym Kholodenko, diret dal todesc Hartmut Haenchen, 82 agns, la memorie de grande musiche de Gjermanie dal Est. Sabide ai 14, ancjemò musiche da Mitteleurope cul zovin diretôr Luka Hauser e la stele dal piano Jan Lisiecki cuntun program dut fat di musichis di Beethoven. (A.I.) – 10.09.2025

Foto di C. Koestlin