Il Tomadini ancjemò viert par dut il public

Dodis concierts di cuant che al va jù il soreli dint a miezegnot pe seconde “open night”, la gnot vierte dal Conservatori di Udin “Tomadini”, che al vierç a ducj il so zardin di palaç Ottellio, in Zardin grant (Place Prin di Mai) cun cetante buine musiche par meti in mostre i zovins students e i lôr insegnants. Sabide ai 21, la fieste de musiche e dal Istât par da acet fint a cuatricent spetatôrs, daspò dal discors dal president Guglielmo Pelizzo e dal diretôr Beppino Delle Vedove. Ducj diferents i grups e i repertoris, cjapant dentri ancje chei jazz e pop direts Glauco Venier e Valter Sivilotti, artiscj furlans ma innomenâts a nivel internazionâl. (A.I.) – 20.06.2025