Il teritori protagonist tal festival di Cividât

La ultime edizion dal Mittelfest curade di Giacomo Pedini, rivât al ultin dai siei cinc agns a Cividât, e je rivade ai apontaments leâts al teritori. Il prin di cheste edizion titulade “Paura”, pôre, al sarà joibe ai 23 il spetacul “La caccia”, un incuintri di musiche e neurosiencis, cul pianist Matteo Bevilacqua – che al à debutât a 11 agns cul CSS di Udin – Jorge Giménez e l’atôr Roberto Mercadini. Vinars ai 24 al è in program “La strage di Vergarolla”, une anteprime dal “Rossetti” di Triest, Teatri Stabil dal F-Vj, scrite di Paolo Valerio par contâ il maçalizi dai 18 di Avost 1946 suntune splaze di Pole in Istrie. Simpri vinars ai 24, il plui grant conciert di musiche classiche di cheste edizion, “Il demoniaco. Un viaggio nel lato oscuro della musica”, cu la FVG Orchestra direte di Paolo Paroni. (A.I.) – 22.07.2026