Il ‘Teatron’ di Udin al vierç pai Kataklò

Secont apontament tal teatri gnûf “Giovanni da Udine” martars ai 15 pe rassegne dal Istât, “Teatro Estate”. Sul palc i Kataklò Athletic Dance Theater, la compagnie nassude tal 1996, un riferiment pai spetacui dal vîf, che e propon un stîl unic che al tire dentri il public di dut il mont. Cu la vuide artistiche di Giulia Staccioli, anime creative e visionarie de compagnie, l’an passât al è nassût “Seasons – Oltre le Stagioni”, un spetacul che al instrece danze contemporanie, acrobatiche e teatri ‘fisic’ compagnâts de musiche dai concierts par violin di Antonio Vivaldi, te version dal compositôr contemporani Max Richter. (A.I.) – 14.07.2025