Il ‘Teatron’ di Udin al conte al public il so program

A mancul di un mês de inaugurazion de stagjon, martars ai 19 il Teatri gnûf “Giovanni da Udine” al invide il public a “Palco aperto”, une ocasion par condividi detais e curiositâts dal gnûf cartelon di prose, musiche e danze cul President de Fondazion, Paolo Vidali. E va indevant, intant, la campagne abonaments dal ‘Teatron’ di Udin, che simpri ai 19 di Setembar al jentre inte fase dedicade ai gnûfs abonâts. Fra lis novitâts di segnalâ, la pussibilitât di costruîsi un propri abonament personalizât, doprant lis diviersis formulis metudis a disposizion e sielzint tra lis 49 propuestis complessivis fra prose, musiche, liriche, danze e lezions di storie. (A.I.) – 18.09.2023