Il Teatron al è viert ancje in Istât

Joibe ai 9 tal Teatri gnûf “Giovanni da Udine” e tache “Teatro estate”, une piçule serie fûr de stagjon che e presentarà trê apontaments di teatri, musiche e di circ. Riccardo Rossi al vierç la serie cul so spetacul “Volevo fare il musicista!” (O voleve jessi un musicist!), un viaç emotîf par cjantâ, balâ e sperimentâ ducj adun. Une preseât protagonist de television e al cine, un autôr e artist teatrâl, Rossi al met al centri dal spetacul il so grant amôr pe musiche: cemût che e je jentrade inte sô vite e cemût che e je simpri dongje di lui, vie pe cariere, compagnant lis sôs esperiencis professionâls e personâls. Compagnât di un grup musicâl, al contarà i siei incuintris reâi e virtuâi cu lis liendis de musiche, ricuardant (e sunant e cjantant) i sucès di ducj i timps di une schirie di liendis. La rassegne e larà indevant ai 21 di Lui cul spetacul di circ “Naufragata” de compagnie Circo Zoé. (A.I.) – 08.07.2026