Te suaze de edizion numar 47 de Fieste de Patrie dal Friûl, che chest an si celebre a Tarcint, il Teatri Stabil Furlan al inmanee un event par analizâ la situazion dal teatri pe infanzie e par pensâ strategjiis gnovis pal avignî. In program martars ai 3 di Avrîl a tacâ des 6 dopomisdì, une cunvigne di esperts dal teatri regjonâl (e no dome), te sale Diamante di palaç Frangipane, cul titul “Fantats, Infants e Zovinutis – Teatri pes gnovis gjenerazions e lenghis minorizadis”, cu la colaborazion de ARLeF e dal Istitût Ladin Furlan Pre Checo Placerean. Chest gnûf confront tra specialiscj dal setôr al vûl fâ il pont de situazion dal teatri pe infanzie in lenghe furlane e in altris lenghis minoritariis; si vûl ancje pensâ a strategjiis condividudis par lavorâ cui plui piçui tai prossims agns. (A.I.) – 29.03.2024
Foto di G. Comoretto
