Il Teatri di Udin al torne a partî tal segn di Shakespeare

Al sarà dut intal segn di Shakespeare il prin apontament in calendari pe gnove stagjon di prose dal Teatro Nuovo “Giovanni da Udine”. Martars ai 25 (cun replichis fin ai 27 di Otubar) il sipari si alçarà sul “Mercante di Venezia” cu la regjie e l’adatament di Paolo Valerio. La opare di Shakespeare e je proponude inte gnove, rafinade version, cun la produzion dal Teatri Stabil dal Friûl Vignesie Julie cul Centro Teatrale Bresciano e il Teatro de Gli Incamminati, interpretât di une compagnie di atôrs vuidade di Franco Branciaroli. Al “Teatrone” a tornin a vierzi ancje lis cunvignis di aprofondiment di Casa Teatro, partint aes 5.30 dopomisdì de lezion di Peter Brown, lant indevant miercus ai 26 cun l’incuintri cu la compagnie. (A.I.) – 24.10.2022