Il Teatri ‘Bon’ chest an al tache dai zovins

Vinars ai 4 si scree la gnove stagjon dal Teatri ‘Bon’ di Culugne, cuntun spetacul fidât ae zovine diretore Anna Molaro: “Annelies”, une produzion de Fondazione Bon in colaborazion cun vicino/lontano e Mittelfest. Il piçul teatri che, intal timp, al è rivât a creâ une rêt culturâl interative, une sorte di ‘filiere’, par difondi musiche e art a ducj i nivei, partint de formazion des gnovis gjenerazions, al à organizât une stagjon siore, cun tante musiche classiche (tra i ospits, il mestri innomenât in dut il mont Grigory Sokolov), jazz e contemporanie e teatri in colaborazion cun l’Ert. (A.I.) – 03.11.2022