Il teatri al jentre tes cjasis de int di Gardiscje cul festival “In\Visible Cities” inmaneât de associazion Quarantasettezeroquattro cu la poie de Regjon F-Vj. Joibe ai 4, aes 7 sot sere, e je in program une des propuestis plui origjinâls dal cartelon: “French line”, une produzion nassude in colaborazion cu la compagnie svuizare Trickster-P. IL spetacul si davuelç intun apartament privât dal paîs, dant acet dome a un piçul grup di spetatôrs par volte: une esperience intime, lontane dal teatri convenzionâl. La storie e je ambientade tal mês di Fevrâr dal 1947, cuant che a Parîs a firmin il tratât che al segne la linie di confin jenfri Italie e Jugoslavie a Gurize e te zone. Une linie che e taie corts, stradis, destins e che e je stade une frature storiche. A sierâ la serade dal festival,il spetacul multimediâl “Lo sciamano di ghiaccio”. (A.I.) – 03.09.2025
Foto: Erpac
