Il taramot contât cu la vôs di Bruno Pizzul

Al è jessût “Orcolat”, un documentari sul taramot dal 1976 in Friûl, za presentât a Pordenon e a Glemone dal regjist Federico Savonitto. Prodot di Marco Caberlotto e Lucio Scarpa, cu lis musichis fatis di Davide Toffolo (dai Tre allegri ragazzi morti), cun Elisa e Lorenzo Commisso, e je une conte corâl che e instrece memorie, identitât e resilience. Lis imagjinis di repertori che a vegnin de Cineteca del Friuli di Glemone a mostrin dut il sdrumament cu lis testemoneancis dai prins dîs daspò de disgracie. La vôs che e conte la storie e je chê di Bruno Pizzul, muart ai 5 di Març un indaûr. Il dialic dai evcents dal passât cul dì di vuê al è fat doprant lis lis vôs di artiscj, scritôrs, studiôs, int di sport: Dino Zoff, Fabio Capello, Manuela Di Centa, Paolo Rumiz, Tullio Avoledo, Gian Paolo Gri, Esther Kinsky, Davide Toffolo e il stes Pizzul. Si che duncje, il documentari al è un un mosaic coletîf di un moment de storie che al à segnât il teritori e la sô int par simpri, ma creant ancje il “model Friûl”. (A.I.) – 02.03.2026