Il regjist Ridely Scott al à fat jentrâ Bordan a Hollywood

A son finidis tai dîs passâts lis ripresis in regjon dal gnûf cine dal innomenât regjist Ridley Scott, “The Dog Stars”, gjavât fûr di un romanç apocalitic di Peter Heller. Lis senis a son stadis ziradis tal comun di Bordan, mudant il paisaç intune ambientazion americane di un paîs cjapât di une pandemie globâl e par setemanis ducj a savevin, ma no podevin dîs nuie ator di cheste gnove presince dal cine di Hollywood chi di nô. La produzion e à sielt il Friûl pe varietât dal so paisaç e pal bon acet dal teritori. Il supuart de Fvg Film Commission-PromoTurismo al è stât fondamentâl tacant de costruzion di un rapuart cu la produzion, che e jere sta stade a Triest tal 2022 par un cine prodot di Netflix cu la atore Charlize Theron, che al ven fûr chest Istât e che al conferme il fat che i grancj autôrs internazionâi a sielzin simpri plui la nestre regjon. (A.I.) – 20.05.2025