Il regjist Marco Tullio Giordana a Udin e Pordenon

Avigniment speciâl pai spetatôrs des arenis estivis di Cinemazero e dal Visionario. Il regjist Marco Tullio Giordana e la atore Beatrice Barison a presentin in anteprime miercus ai 21 li dal Cine sot des stelis di Pordenon “La vita accanto” (La vite in bande), gjavât dal romanç de scritore Mariapia Veladiano. Joibe ai 22 il regjist al sarà invezit ospit dal cine al viert tal zardin Loris Fortuna in Zardin grant a Udin. Ambientât a Vicence fra i agns Otante e il Doi mil, il cine al conte di cemût che il discomut al puedi irompi inte vite di une famee, savoltantle par simpri. (A.I.) – 20.08.2024