Il razisim tai agns ’60 e vuê

Doi artiscj une vore preseâts a saran ospits sul palc di sene dal teatri comunâl di Cormons miercus ai 28: Cesare Bocci e Vittoria Belvedere, i protagoniscj di “Indovina chi viene a cena “ (Indovine cui che al ven a cenâ”)di William Arthur Rose, adatât di Mario Scaletta. La comedie, te sô famose version cinematografiche dal 1967, direte di Stanley Kramer cun protagonist Sidney Poitier, e fo interpretade intune maniere che no si pues dismenteâ di Katharine Hepburn e Spencer Tracy. Il teme di un matrimoni misturât al fasè scjas inte Americhe di ultins agns ’60, ma ancje al dì di vuê al è plui atuâl di simpri. (A.I.) – 27.01.2026