La associazion Danza e Balletto e presente sabide ai 6 a Gurize, te sede de Movartex di vie Verdi 12, “Rime in movimento” (Rimis in moviment), un seminari e spetacul cence sore nuie che al instrece il rap freestyle, ven a stâi a stîl libar, e la danze “urban”, dentri de rassegne “Sconfinamenti” e de schirie di incuintris su la storie de danze. A vuidâ l’incuintri, che al fâs part de sezion di ativitâts educativis pes scuelis, par cure di Elisabetta Ceron e Nika Bagon, il furlan DJ Tubet, rapper e produtôr atîf dal 1998, un dai prins a fâ “pedagogjie hip hop” in Italie. Cun lui ancje Nicholas De Ronch, balarin e insegnant di balet hip-hop, che al è stât in grancj events tant che “X Factor”, “Wind Music Awards” e “Battiti Live”, dongje di stelis de musiche. Une ocasion uniche par esplorâ il “stîl libar” dal hip-hop tant che strument di dialic jenfri lis gjenerazions. (A.I.) – 04.09.2025
Foto di V. Venier
