Il public al jude Paolo Rossi sul palc

Il teatri “partecipât” di Paolo Rossi al continue in regjon cuntune schirie di seradis cui biliets cuasi ducj finîts. Dopo la repliche a S. Denêl, “Da questa sera si recita a soggetto” al rive joibe ai 21 tal TeatrOrsaria di Premariâs, vinars ai 22 al è tal Auditorium comunâl di Talmassons e sabide ai 23 li dal Teatri “Italia” di Pontebe. In bande dal atôr e dal rest de compagnie, sul palc al è ancje il public, che al sarà cjapât dentri de comedie. Propit par chest, ogni sere il spetacul al presente elements gnûfs e diferents. (A.I.) – 20.03.2024

Foto di L. Pozzo