Il professôr al puarte la scuele a teatri

Puedie jessi une lezion magjiche? Ce àno di dîsi ancjemò vuê peraulis e libris scrits centenârs di agns indaûr? Isal pussibil contâ la gramatiche, la leterature, la storie in mût divertent? Enrico Galiano, scritôr e insegnant di Pordenon tra i plui innomenâts di Italie, al scomet di sì, puartant in sene un spetacul divertent, che al met dongje la cuotidianitât vivude in classe e lezions di storie, leterature e gramatiche. Une conte sclete e apassionade, ma ancje di ridi, acompagnât des musichis dal cjantautôr Pablo Perissinotto. “Prof, posso andare in bagno?” al è un viaç fra storiis vivudis e lezions par puartâ la scuele fûr di scuele, che al sarà presentât domenie ai 28 al Capitol di Pordenon. (A.I.) – 25.05.2023