89
Al è “Il signore delle formiche”, regjie di Gianni Amelio, autôr ancje de senegjature cun Edoardo Petti e Federico Fava, a adiudicâsi il Premi Internazionâl ae miôr senegjature “Sergio Amidei”di Gurize. Vuê al Kinemax, miercus ai 26 aes 6 dopomisdì, la consegne dal premi, cun cheste motivazion: “Pe fuarce de conte, pe capacitât di dismovi une emozion autentiche cence mai imboconâ scurtis facilis, par vê scrit une storie che e reste dentri e e lasse il segn”. (A.I.) – 26.07.2023
