Il podê de peraule intal mont dai zovins

Si siere martars aes 10.30 di matine al Teatri comunâl di Monfalcon il progjet imponent “RockHistory: Il Podê de Peraule” di Gabriele Medeot, diretôr dal progjet gjestît de associazion Art&Musica. La cunvigne e je stade inmaneade in sieradure di dut un an di ativitât e avigniments su la peraule e la sô aplicazion tal dì di vuê, soredut intal mont dai zovins. Ve parcè che a saran i zovins a formâ il public dal teatri, dulà che a saran ancje il musicist e autôr Federico Dragogna e altris ospits innomenâts dal mont de musiche e de editorie, ancje il rapper furlan Dj Tubet. (A.I.) – 19.12.2022