Daspò di vê inmagât il public a Monfalcon a metât di Dicembar, David Larible, clamât de stampe “il plui grant paiaç classic dal nestri timp”, al torne tal circuit dal ERT par une lungje tournée. “Il clown dei clown”., il so aclamât spetacul teatrâl, al sarà domenie ai 11 tal Teatri “Verdi” di Mugle, martars ai 13 tal Cinecity di Lignan, miercus ai 14 tal Auditorium “alla Fratta” di S. Denêl, joibe ai 15 tal “Lavaroni” di Dartigne, vinars ai 16 tal auditorium di Copule e sabide ai 17 a Listize. David Larible al puarte un spetacul che al zuie cun lis grandis liendis talianis. Sul palc di sene a son ancje il comic Andrea Ginestra e il musicist Mattia Gregorio al piano par un spetacul che al è une storie, une confession artistiche, un ritrat sclet, un piçul manuâl di ridadis e poesie. (A.I.) – 10.01.2026
Foto di Circus Roncalli
