Il pianist e il prestigjatôr

Cuant che doi artiscj cussì si cjatin, al sclope une faliscje. Un docent de Universitât di Viene e un prestigjatôr a incrosin i lôr talents par dâ vite a un spetacul che al promet magjie pure, in ocasion de serade di sierade de centesime tierce stagjon dai Amîs de Musiche di Udin, za di par se magjiche, stant che e à fat regjistrâ une incressite positive e une marcjade diversificazion dal public. Miercus ai 2 di Avrîl aes 19.22, tal Palamostre la sensibilitât musicâl e la tecniche di Adriano Del Sal, un dai ghitariscj plui afermâts de sô gjenerazion, si maridarà cul estri creatîf di Jack Nobile, une stele des plateformis socials. Cuntun milion e mieç di fedêi che i van daûr su Youtube, Jack/Giacomo si esibìs di 12 agns cun spetacui in Europe, Americhe e Gjapon, al è autôr di trê libris e al à prodot sîs macs di cjartis personalizâts, par un totâl di 60 mil copiis vendudis. Cumò al gjestìs la sô scuele di magjie, che e conte desenis di miârs di students che a vegnin di dut il mont. (A.I.) – 31.03.2025