Il “Pasolini” al tache cuntune prime teatrâl

da Andrea Ioime

Daspò de anteprime imersive cul progjet “Sapiens”, joibe ai 8 e tache la stagjon numar 30 pal Teatri “Pasolini” di Çarvignan, che al conferme il percors dal progjet trienâl “Risorgive”, risultivis: une sielte di identitât artistiche e culturâl fate di teatri, musiche, danze e cine par 27 apontaments di spetacul dal vîf. Une risultive di energjie creative e un lûc di umanitât di spartî cui altris par meti in relazion gjenerazions e lengaçs diferents. Il teatri al tache la stagjon curade dal CSS cu la prime di “Mio figlio cammina solo un po’ lentamente” di un test dal cravuat Ivor Martinić cun Rita Maffei e Massimo Somaglino, che vinars ai 9 e sabide ai 10 al sarà presentât ancje a Udin, tal teatri “Palamostre”. Ai 20 di Otubar, tal “Pasolini” e rivarà une altre gnove produzion dal Css, “I Turcs tal Friùl” te version di Alessandro Serra e ai 28 “Modugno, prima di volare”. Il dì dopo e tache la rassegne musicâl curade di Euritmica, cul pianist cuban Gonzalo Rubalcaba che al sune lis musichis di Pino Daniele. Ai 5 di Novembar la storie furlane dal spetacul di Andrea Boscutti dedicât al udinês Josè Bragato, un dai fondadôrs dal “tango nuevo” in Argjentine. Ai 10, la academie “Nico Pepe” e presente un omaç al mestri di teatri Dario Fo, par cure di Claudio de Maglio, e prime de fin dal an e saran presentadis ancje la gnove opare de Corâl di Rude, “Genesi”, la ultime produzion dal Teatro Incerto, “Nadâl – Stupor Mundi” e une schirie di altris propuestis. (A.I.) – 07.10.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui