Il “pari” dal “LIve Aid” a Pordenon pe uniche date taliane

A cuarante agns dal mitic “Live Aid””, l’organizadôr di chel festival di musiche e solidarietât jentrât te storie al celebre il cincuantesim di ativitât dal so grup, i Boomtown Rats, cuntune date uniche in Italie: a Pordenon, tal par di S. Valantin, ai 16 di Lui che al ven. IL conciert al è stât anunziât a mancul di un mês dal festival di musiche blues che si fâs a Pordenon di 34 agns, e che al veve za in program cetantis innomenadis stelis de musiche di dut il mont. L’irlandês Bob Geldof al è tornât a meti adun cul baterist Simon Crowe e il bassist Pete Briquitte il so grup di che volte: un sucès internazionâl te suaze de “new wave” soredut dal 1977 al 1985. UN event di no pierdi, stant ancje l’aniversari – propit in chei dîs – dal “Live Aid”, la plui grande ‘adunade’ di stelis de musiche di ducj i agns Otante (e no dome), fat par tirâ sù bêçs pai popui de Afriche che a murivin di fan. (A.I.) – 10.06.2025