76
Doi ospits speciâi par fevelâ di teritori, teatri e cussience civîl: l’atôr Marco Paolini e il regjist Marco Segato, che martars ai 13 di Mai a presentin il docu cine “Mar de Molada”, aes 7 sot sere tal “Visionario” di Udin e aes 9 a “Cinemazero” di Pordenon. Presentât in anteprime nazionâl al Trento Film Festival, il cine al conte un percors teatrâl, l’atlant des rivis, che al esplore la Italie dilunc dai flums, i lôr nons e lis lôr storiis, contant lis fragjilitâts dal nestri Paîs. La idee e jere che di fissâ une esperience fate dal vîf e tignî la memorie di ce che Paolini al à metût in sene, puartantlu in viaç ancje par cui che no lu à ancjemò viodût. (A.I.) – 12.05.2025
