Il musical des fiestis tal “Teatron”

Al è il spetacul plui spietât di grancj e piçui: “A Christmas carol”, une cjançon di Nadâl, il musical plui colorât, poetic e magjic de stagjon, al rive tal Teatri gnûf “Giovanni da Udine” te suaze di “Teatro Insieme”, joibe ai 11 aes 7:30 sot sere. Il spetacul al è inspirât de innomenade storie di Charles Dickens, che e à incjantât milions di fruts e grancj dal 1843 cu la sô poesie e il so messaç sul significât vêr de amicizie e dal amôr par chei altris. Il spetacul, diret e coreografât di Luca Angelini, al è inricjît cu lis melodiis di Alan Menken e prodot de Compagnia dell’Alba cul Teatri Stabil dal Abruzzo. Sul palc vincjesîs atôrs e balarins, vuidâts di Roberto Ciufoli. (A.I.) – 10.12.2025