Il musical dai records al torne in Friûl pal ventenâl

Dal romanç di Victor Hugo, “Notre Dame de Paris” e je la opare popolâr moderne plui famose tal mont, e un dai spetacui plui grandons metûts in vore. Voltât e adatât in nûf lenghis diviersis, in Italie al à debutât ai 14 di Març dal 2002 a Rome inte version di Pasquale Panella cu lis musichis di Riccardo Cocciante. Dopo cuasi 1500 replichis, par celebrâ 20 agns di sucès, il spetacul al torne cun dut il cast origjinâl de prime aparizion. Dome une tape in Friûl, a Villa Manin di Passarian, di vinars ai 8 a domenie ai 10 di Lui. (A.I.) – 08.07.2022