Il ‘mûr’ dal Pink Floyd balât sul palc di sene

Sui palcs dal circuit dal ERT e rive “The Wall_Dance Tribute,” la gnove produzion de compagnie di bal MM Contemporary Dance Company, ispirade al album iconic dai Pink Floyd e dal cine cul stes non fat di Alan Parker tal 1982. Firmât dal coreograf Michele Merola e dal regjist Manuel Renga, il spetacul al larà sul palc vinars ai 13 e sabide ai 14 tal teatri “Bonezzi” di Monfalcon e domenie ai 15 tal “Modena” di Palme. “The Wall_Dance Tribute” al instrece la danze, la peraule fevelade, la musiche e il video par creâ une narazion potente e atuâl, un manifest cuintri la alienazion e la opression che e mudin l’individui intun “modon tal mûr”. (A.I.) – 12.02.2026

Foto di M. Caselli