Il misteri dal “teremin” a S. Zorç di Noiâr

Daûr de tradizion, il club di jazz “Estensioni” – che si fâs ator pal teritori – al celebre la Zornade Internazionâl dal Jazz ancjemò une volte in colaborazion cul Circolo Controtempo di Cormons, joibe ai 30 tal parc di Vile Dora a S. Zorç di Noiâr cul progjet Ârbâr di Walter (wattabass) Sguazzin e Leo Virgili. Dôs colonis de musiche “alternative” furlane si dan dongje intun spetacul di DJ fûr dai schemis e cuintri lis regulis, messedant cun abilitât i sunôrs digjitâi “frêts” cu lis imperfezions analogjichis. Al centri al è il misteri dal theremin, il “strument invisibil”, plen di magjie, simpri une sorprese. (A.I.) – 29.04.2026

Foto di L. d’Agostino