46
La atore e dramaturghe Elisa Menon e je la prossime ospite de rassegne teatrâl “Savôrs”, la cuinte stagjon dal Teatri Stabil Furlan, curade di Massimo Somaglino. Joibe ai 28 e vinars ai 29 di Mai e presente “Guance bianche e rosse” inte sale dal TSF li dal Centri Congrès di Torean di Martignà. Compagnade dal musicist e sound designer Francesco Ivone e dai tocs par armoniche componûts di Aleksandr Ipavec, la rapresentazion e ricuardarà un dai episodi plui dibatûts de resistence furlane: il maçalizi di Purçûs. Cheste narazion intime, che no jentre masse in profonditât tal event storic, e esplore la anime di un om che al à di frontâ dinamichis une vore plui grandis di lui. (A.I.) – 27.05.2026
