Il Lunis “sinfonic” te ex caserme

Une anteprime che e cjale za indevant pe stagjon che e ven. Lunis ai 25, aes 8 e mieze sot sere, la Cavallerizza, il gnûf spazi culturâl creatîf dentri de ex caserme “Osoppo” a Udin, e presentarà il prin event dai “Lunis sinfonics”, il gnûf progjet de Orchestre dai zovins “Filarmonici Friulani”, dedicât ae musiche sinfoniche dal vîf. Cheste iniziative e je une anteprime di une schirie che e tacarà tal mês di Setembar puartant un conciert al mês te “Cavallerizza”, il Lunis di sere, cun zovins interpretis, diretôrs ospits e programs dedicâts al grant repertori orchestrâl. Il prin conciert al ufrirà un program legri e cetant fin, imbinant la Sinfonie numar 104 di Franz Joseph Haydn cul Conciert par oboe di Richard Strauss. Il solist pe serade al sarà il zovin Tommaso Duca, za un artist di reputazion par istituzions impuartantis, il diretôr invezit al è Felix Hornbachner. (A.I.) – 23.05.2026