Il jazz in borc de stazion par tignî dongje lis comunitâts

Tal Spazio35 in vie Percût a Udin e je tornade a tacâ “Biblioteca in Jazz”, la serie di concierts inmaneâts di Time for Africa cu la direzion artistiche di Simone Serafini, chest an rivade ae cuarte edizion. Il progjet al vûl jessi une ocasion di agregazion par dute la comunitât dal borc de stazion traviers la musiche jazz, che e cjape dentri in se stesse la origjin multiculturâl e di scambi tra lis diviersis culturis dal mont. Prime di ogni conciert, Flaviano Bosco al vierzarà la serade cun contis di musiche, episodis storics e dinamichis sociâls leâts al mont dal jazz. Martars ai 11 in program il conciert di Hop Scop Trio, cun Daniele D’Agaro, Giulio Scaramella e Maurizio Pagnutti. (A.I.) – 10.06.2024