Il grant finâl dal No Borders a Nevee su la Mont Cjanine

La edizion 2022 dal No Borders Music Festival e rive al finiment. Dopo trê fins de setemane di musiche dal vîf sui Lâts di Fusinis, cuntun public di plui di 18mila spetadôrs, Alessandro Mannarino al sierarà la rassegne de musiche cence confins, sabide ai 13 di Avost a alte cuote, al Rifugio Gilberti. Il cjantautôr roman, valutât un dai miôr artiscj contemporanis talians, erêt de grande tradizion di cjantautôrs tant che Paulo Conte e Fabrizio Di André, dopo il conciert dai 30 di Lui sui Lâts di Fusinis, al fasarà un bis par un public di 500 personis (i biliets a son za ducj vendûts) intune ambientazion uniche, inte aree de Mont Cjanine, al confin cu la Slovenie, indulà si pues rivâ dome midiant de teleferiche o a pît vie pal troi di Nevee al ripâr Gjilberts. (A.D.G.) – 13.08.2022