Il gnûf spetacul di Arearea a Culugne

Sunôr e moviment si unissin intun unic at senic, mudant il spazi intun lûc di incuintri e di condivision. Joibe ai 30 aes 9 sot sere, te suaze dal program “Un Itât di inclusion” e des celebrazions pai cent agns dal teatri “Luigi Bon”, e sarà presentât “8. 8. otto archi_otto corpi” (Vot arcs, vot cuarps), une produzion de compagnie Arearea cu la Fondazion Bon, che e à a pene debutat tal “Mittelfest” 2026. Nassût di une idee di Roberto Cocconi, il spetacul al met dongje vot balerins e vot sunadôrs di violoncel intune esperience imersive basade su la composizion “8” di Michael Gordon. La musiche e sarà interpretade dal vîf dal grup di violoncei de Fondazion Luigi Bon, coordenât di Anna Molaro. (A.I.) – 29.07.2026